У Свято-Миколаївському кафедральному соборі міста Умані знаходиться список чудотворної Любечської ікони Божої Матері. Явління образу відноситься до часу утвердження християнства на Русі. Ікона відома багатьма чудесами, про що свідчить святитель Димитрій Ростовський. Про неї збереглося таке передання: в Любечі жив бідний м'ясник, який мав дружину і двох дітей. Старший син, наслідуючи батька в його роботі, взяв в руки ніж і став грати з ним і ненавмисно завдав смертельну рану молодшому братові. Від страху перед тим, що сталося дитина сховалася від покарання в грубку. Мати не знаючи цього, затопила грубку, і юнак став горіти.
Тим часом в хату повернувся господар. Побачивши, що відбувається, він у нестямі від горя накинувся на дружину і завдав їй смертельного удару. У великому горі він пішов з дому на берег Дніпра, сів у човник і поплив за течією. Жахливі події приспали його, але човен замість того, щоб плисти в бік Києва, повернувся до берега біля міста Любеча. Прокинувшись, він побачив на березі ікону Божої Матері. Сповнений незрозумілої віри і надії, помолившись, він взяв у руки явлену ікону і поніс її додому. Які ж були його здивування і радість, коли вдома він знайшов все своє сімейство живим і неушкодженим!
У XVII столітті Любечська ікона стала відома і киянам.
В 1653 очікували нападу поляків на Любеч, і тому ікону перевезли за розпорядженням митрополита Сильвестра Косова до Києва. Потім, не пізніше 1689, ікона повернулася в Любеч, так як святитель Димитрій Ростовський в цьому році приходив в Любеч для поклоніння чудотворному образу.
Між 1689 і 1701 роками первісний образ Любечський знову опинився в Києві. Відомі дві грамоти митрополита Варлаама Ясинського, які підтверджують перенесення ікони в Любеч з Києва в 1701 році при Чернігівському архієпископі Іванові Максимовичу, а також факт поновлення образу монахом Києво-Печерської Лаври Інокентієм. Відомо також, що місцем перебування ікони в Любечі після 1701 року був Пречистенський храм Любецького Антоніївського монастиря, а пізніше - монастирська церква Воскресіння Господнього. По суботах біля чудотворної ікони з благословення Варлаама Ясинського, митрополита Київського, служилися акафісти, що підтверджують його грамоти.
У страшні роки безбожного атеїзму ікона була загублена.
Список чудотворної ікони, написаний на дереві, був подарований громаді м. Умані при поверненні Свято-Миколаївського храму віруючим в 1989 році. У 1999-2001 роках час від часу виливала миро. Багато парафіян собору свідчать про отримання зцілення після молитви біля ікони.
Святкування Любечської ікони Пресвятої Богородиці - 7/20 травня
Акафіст Пресвятій Богородиці перед Її іконою, іменованю «Любечська»
Кондак 1
Взбранной Воеводе и усердней Заступнице рода христианского, Пресвятей Деве Богородице, град Любеч явлением святыя иконы Ея прославльшей и чудесы, от нея бываемыми, духовно ны утешившей, благодарственное приносим пение; Ты же, Всемилостивая Царице, яко имущая державу непобедимую и милосердие неисчетное, от всяких нас бед и скорбей присно свобождай, да зовем Ти: Радуйся, Мати Божия, и спаси на Тя уповающия.
Ікос 1
Ангелов Царице и всея твари Владычице, от Ангелов горе приемлющая достойныя Тебе хвалы, приими и от нас земных и перстных усердныя благохваления, их же пред святою и чудотворною иконою Твоею возносити Тебе дерзаем и, уповая на Твое матернее благосердие, сице от любве сердечныя Тебе вопием: Радуйся, радость нам вечную, Христа Спасителя, рождшая; Радуйся, в рождестве и по рождестве Девою пребывшая. Радуйся, в девстве и целомудрии верныя утверждающая; Радуйся, райския двери благочестивым отверзающая. Радуйся, иконою Твоею нас присно утешающая; Радуйся, чудесы, от нея бываемыми, духовно нас веселящая. Радуйся, Мати Божия, и спаси на Тя уповающия.
Кондак 2
Видяще святую икону Твою, Богородице Дево, в Любечи от лет древних чудесы Божественными прославленную, яже миро есть излиянное для верных и боголюбивых душ, со благоговением ей поклоняемся и славословим преблагословенное имя Твое: облагоухай, Владычице, и наша сердца Божиею благодатию, да радостно зовем Богу: Аллилуиа.
Ікос 2
Разумеем, Пречистая, Твое благоволение к стране нашей православней, яже чудотворными иконами Твоими преукрашена есть, в них же явила еси нам источники милостей Твоих пребогатых; се, и в Любечи икона Твоя чудотворная прославлена бысть от лет древних, от нея же помощь Твою всем даруеши, иже верно к Тебе взывают: Радуйся, Любечская похвало и Помощнице наша всеблагая; Радуйся, всех верных утеше-ние и заступление непостыдное. Радуйся, о Ней же радуются Ангелы; Радуйся, о Ней же Бога славят человецы. Радуйся, горняго мира доблее украшение; Радуйся, дольнаго мира благодатное ограждение. Радуйся, Мати Божия, и спаси на Тя уповающия.
Кондак 3
Силою Божиею укреплен святый равноапостольный Великий Князь Владимир, его же матере Любеч отечество бысть, идолы попра и всю землю Российскую верою Христовою просвети, его же подвиг блажаще, на помощь молитвы его небесныя призы-ваем и, прославляя в Любечи икону Твою святую, Владычице, молим Ти ся: молися с ним за нас ко Христу Богу, Ему же присно поем: Аллилуиа.
Ікос 3
Имеет град Любеч в себе сокровище пребогатое Божественных даров, икону Твою чудотворную, Богородице Дево, и молитвами преподобнаго и богоноснаго отца нашего Антония Печерскаго чудотворца, иже в Любечи родися и воспитася, многия милости и щедроты Твоя от образа Твоего благодатнаго получает, о них же Тя благодаряще, сице Тебе зовет: Радуйся, преподобнаго Антония благоволением Твоим осенившая; Радуйся, отечество его земное иконою Твоею чудотворною прославльшая. Радуйся, с ним вкупе присно молящаяся за нас Сыну Твоему и Богу; Радуйся, от горних высот к нам матернею Твоею любовию приникающая. Радуйся, преподобных трудолюбцев изрядное венчание; Радуйся, иноков благоскорбящих всевеселящее радование. Радуйся, Мати Божия, и спаси на Тя уповающия.
Кондак 4
Бурею скорби велией одержим бысть муж, внезапно лишившийся жены и двух чад своих, и не ведая что творити, на ладьи устремися долу по реце Днепру, но силою Божиею принесеся на ладьи своей к Любечу и зде на брезе обрете икону Твою святую, Богородице Дево, юже взем, принесе в дом свой и узре тамо жену и чад своих живы и здравы сущи. Темже велегласно прослави Твое всемогущество и благость и возопи Богу: Аллилуиа.
Ікос 4
Слышавше чудо преславное, в явлении иконы Твоея святыя бывшее, людие Любечстии стекошася видети спасенных Тобою и новоявленную икону Твою, Владычице Преблагая; им же поведаше обретший ю муж, како умерших жену и чад своих, принесши благодатную икону Твою в дом свой, обрете живых и здравых. Темже вси вернии радостно и хвалебно восклицаху к Тебе: Радуйся, скорбящих милостивая Утешительнице; Радуйся, мертвых благодатная Воскресительнице. Радуйся, в явлении иконы Твоея безвременно погибшим смертию напрасною живот возвратившая; Радуйся, яко вся возможна Тебе, сим показавшая. Радуйся, в Любечи возсиявшая преславными чудесы; Радуйся, всем чтущим образ Твой святый дарующая от него милости Твоя богатыя. Радуйся, Мати Божия, и спаси на Тя уповающия.
Кондак 5
Боготечная звезда, икона Твоя святая, Богородице Дево, от Любеча в Киев пренесена бысть Твоим благоволением, Преблагая, и в соборнем храме Софии Премудрости Божией поставленная в нем пребывает, и милости Твоя благодатныя всем с верою молящимся пред нею обильно источает, да вси зовут рождшемуся от Тебе и прославльшему Тя Богу Слову: Аллилуиа.
Ікос 5
Видевше людие Любечстии лишение свое, яко чудотворная икона Твоя, Владычице, от них в Киев пренесена бысть, просиша Первосвятителя Киевскаго о ея к ним возвращении, но сей, список с чудотворныя иконы написав и освятив, в Любеч его посла, идеже чудес благодатию сей прославися, и тако скорбь людей Любечских утолися и в радость преложися Твоим благопромышлением о них, Госпоже Всеблагая. Сего ради вопием Ти: Радуйся, во благих желания наша дивно исполняющая; Радуйся, любящим и чтущим Тя любовию Твоею Божественною сугубо воздающая. Радуйся, скорбь людей Любечских о лишении образа Твоего честнаго в радость претворившая; Радуйся, список с иконы Твоея чудотворныя многими чудесы прославльшая. Радуйся, яко с верою и благоговением поклоняемся пречистаго лика Твоего изображению; Радуйся, яко от него приемлем благодатныя дары Твоя на пользу душ и телес наших. Радуйся, Мати Божия, и спаси на Тя уповающия.
Кондак 6
Проповедует град Любеч милости Твоя и чудеса, Владычице Всемилостивая, и светло красуется. имея в себе залог Твоего благоволения, икону Твою благодатную, Госпоже Всеблагая, к ней же усердно притекающе, в недузех исцеление, в скорбех утешение, в бедах избавление от нея приемлем и зовем Тобою благодеющему нам Христу, Царю и Богу: Аллилуиа.
Ікос 6
Возсияла еси, яко луна полная, на тверди Христовы Церкве, Богородице Дево, лучами чудес предивных озаряя верных и всех путеводствуя к пресветлому Солнцу Правды, Сыну Твоему и Богу. Озари Владычице, и наша мрачныя души, да во свете добрых дел неосужденно возможем приносити Тебе пения сицевыя: Радуйся, радость и умирение миру рождеством Твоим принесшая; Радуйся, во благих обеты наша милостиво приемлющая. Радуйся, ветхим деньми силы обновляющая; Радуйся, юношей и дев к целомудрию невидимо руководящая. Радуйся, иноков и инокинь Боголюбивых тайное утешение; Радуйся, в сомнении сущих и неверных благодатное вразумление. Радуйся, Мати Божия, и спаси на Тя уповающия.
Кондак 7
Хотящим всем с верою приходити на поклонение чудотворней иконе Твоей, Владычице, дары благодатная от нея подаеши и вся спасаеши, иже по Бозе упование свое на Тя возложиша, Тебе бо дадеся от Господа велия благодать матерняго заступления. Темже с любовию припадающе к многоцелебному Твоему образу, взываем Сыну Твоему и Богу: Аллилуиа.
Ікос 7
Новое знамение Твоего милосердия явила еси, Владычице, в Любечи, егда среди агарянских и латинских гонений веру православную целу и невредиму тамо сохранила еси, чудесы, от иконы Твоея святыя бываемыми, утверждая верных в православии святоотечестем и внушая им вопити к Тебе: Радуйся, щите святыя православныя веры; Радуйся, молние, ереси пожигающая. Радуйся, Наставнице богомудрия душеспасительнаго; Радуйся, Мздовоздательнице верных подвижников православия. Радуйся, многопетая славо пастырей святыя Церкве Христовы; Радуйся, ограждение крепкое истиннаго и праваго учения. Радуйся, Мати Божия, и спаси на Тя уповающия.
Кондак 8
Странно есть видети святую икону Твою, Богородице Дево, на доске написанную и духов тьмы присутствием своим прогоняющую силою Твоею Божественною, яко ада Победителя-Христа Бога родила еси, Иже и Тебе подаде власть на диавола, от его же насилия и нас грешных свободи, Всеблагая, да благодарственно зовем воплощшемуся от Тебе Царю славы Христу: Аллилуиа.
Ікос 8
Вся благая, временная и вечная исходатайствуй нам, Владычице, матерним предстательством Твоим ко Христу Богу и умоли Его благость даровати нам прощение согрешений наших, вольных и невольных, и не лишити нас наследия Царствия Небеснаго, да радостно Ти взываем: Радуйся, обрадованная Приснодево, Богородице Марие; Радуйся, едина избранная и добрая в женах. Радуйся, дев похвало и матерей веселие; Радуйся, земных и небесных Божественное радование. Радуйся, от Сиона горняго благосердием Твоим посещающая земнородных; Радуйся, избавляющая от всяких бед веру и любовь к Тебе имущия. Радуйся, Мати Божия, и спаси на Тя уповающия.
Кондак 9
Вси Ангели на небеси немолчныя хвалы воспевают Ти, Богородице, мы же на земли, подражати им дерзающе, велие желание имамы пети Тя и хвалити, честнейшую Херувим и славнейшую без сравнения Серафим, Матерь Господа нашего; Ты же, Всеблагая, Сама научи нас достойно славити Тя и воспевати рождшемуся от Тебе Спасу душ наших: Аллилуиа.
Ікос 9
Ветии суемудреннии не могут достойно восхвалити Тя, Пречистая Дево, мы же, смиреннии, от любве сердечныя сии малыя похвалы приносим Ти и молимся: не возгнушайся ими, Всеблагая, ради греховнаго недостоинства нашего, но приемлющи ны благоутробно, воздаждь нам предстательством Твоим к триединому Богу, да зовем Ти радостно: Радуйся, покрове миру, ширший облака; Радуйся, града прибежище, в нем же странники земныя отдохновение обретают. Радуйся, чертоже Божественнаго уневещения; Радуйся, Виновнице грешных с Богом примирения. Радуйся, величием многих чудес прославленная во вселенней; Радуйся, иконою Твоею святою являющая помощь и милость земнородным. Радуйся, Мати Божия, и спаси на Тя уповающия.
Кондак 10
Спасителя душ наших Господа Иисуса Христа, яко младенца, видим на руку Твоею, Богомати Владычице, носимаго и вся ны благословящаго, Его же созерцая на иконе Твоей святей, радуемся, грешнии, и со страхом и любовию сию целуем, яко залог Божия и Твоего к нам благоволения, зовуще благих подателю Богу: Аллилуиа.
Ікос 10
Стена необоримая и крепкое защищение даровася граду Любечу иконою Твоею чудотворною, Богородице Дево, сияет бо сия многими преславными чудесы, сего ради мы грешнии, поклоняющеся Твоему пречистому образу, Владычице, благоумиленно пред ним Тебе вопием: Радуйся, заре немерцающая, всякий мрак греховный прогоняющая: Радуйся, просвещение неверующих и в сомнении сущих сердец. Радуйся, боголепная красото святыя Христовы Церкве; Радуйся, ризою Твоею честною всех нас защищающая. Радуйся, матернею любовию Твоею весь мир христианский объемлющая; Радуйся, щедроты Твоя богатыя верным нескудно подавающая. Радуйся, Мати Божия, и спаси на Тя уповающия.
Кондак 11
Пение хвалебное приносим Ти с любовию, Богородительнице Пречистая, не таим чудес Твоих, исповедуем милости Твоя, на нас и отцех наших от иконы Твоея святыя явленныя, и припадая к ней со усердием многим, молим Тя, Покровительнице наша: покрый нас покровом Твоим святым от всякаго зла и научи достойно воспевати Пресвятей Троице Ангельскую песнь: Аллилуиа.
Ікос 11
Светоподательная икона Твоя, Богородице Марие, в Любечи от лет древних лучами Божественных чудес сияет, души и сердца верных благодатно просвещает и вся привлекает на поклонение Тебе Пречистой и Преблагословенней Заступнице рода наше-го. Темже ущедреннии милостями Твоими, согласно взываем к Тебе: Радуйся, стено богозданная, ограждающая нас от искушений врага-диавола; Радуйся, реко приснотекущая чудес Божественных, еюже благодатно напаяются души наша. Радуйся, в Киеве честною иконою Твоею пребывающая и Любеча таковою же святынею неоставляющая; Радуйся, всю нашу землю благоволения Твоего сподобляющая. Радуйся, яко Тобою радость подается скорбящим и печальным; Радуйся, яко Тобою помощь ниспосылается в беде и отчаянии сущим. Радуйся, Мати Божия, и спаси на Тя уповающия.
Кондак 12
Благодать Божественная осеняет святую икону Твою, Богородице Дево, и действует чрез нее ко благо душ и телес наших. Сего ради почитаем радостное ея явление в Любечи и со страхом Тебе вопием: Царице и Владычице наша Преблагая, не остави нас помощию Твоею державною в жизни нашей, в смерти и по смерти, и сподоби нас во стране живых воспевати Творцу и Искупителю нашему: Аллилуиа.
Ікос 12
Поем Твоя чудеса. Владычице, в Любечи от иконы Твоея святыя бывшия, благодарим Тя, взыскавшую нас смиренных щедротами Твоими, прославляем милости Твоя богатыя, на нас и отцех наших явленныя Тобою от пречистаго образа Твоего, егоже явление торжественно празднующе, с веселием взываем к Тебе: Радуйся, весну спасения нам возсиявшая; Радуйся, теплотою благодати хладныя сердца наша согревающая. Радуйся, присно царствующая с Сыном Твоим и Богом; Радуйся, Царский венец улучившая от Царя царей. Радуйся, на руку Твоею держащая Вседержителя; Радуйся, к Нему за ны руце Твои молебно простирающая. Радуйся, Мати Божия, и спаси на Тя уповающия.
Кондак 13
О воспетая Мати, Любечская похвало и наше заступление, приими милостиво сие малое моление наше, пред пречистым образом Твоим приносимое, и умоли Сына Твоего и Бога нашего избавити нас муки вечныя и сподобити радости святых, выну поющих Ему: Аллилуиа.
(Цей кондак читається тричі, потім ікос 1 і кондак 1)
Молитва
О пресвятая и преблагословенная Мати Господа и Спаса нашего Иисуса Христа, Пречистая Приснодево, Богородице Марие! Припадаем и поклоняемся Тебе пред святою и чудотворною иконою Твоею, юже от лет древних зде чудеси многими и исцеленми неисчетными прославити благоволила еси. Смиренно молимся Тебе, благой и милосердной Заступнице нашей, предстательством угодника Твоего преподобнаго Антония Печерскаго, вонми гласу грешных молений наших, не презри воздыхании от души, виждь скорби и беды, нас обышедшия, и яко любвеобильная воистину Мати, потщися на помощь нам безпомощным, унылым, во многие и тяжкие грехи впадшим и присно прогневляющим Господа и Создателя нашего, Его же умоли, Предстательнице наша, да не погубит нас со беззаконии нашими, но явит нам человеколюбную Свою милость. Испроси нам, Владычице, у благости Его телесное здравие и душевное спасение, благочестное и мирное житие, земли плодоносие, воздуха благорастворение, дожди благовременны, и благословение свыше на вся благая дела и начинания наша. Исходатайствуй, Госпоже, у Царя царствующих и Господа господствующих всем православным милость Божию, благоустроение и во всех благих изобилие. О Царице всепетая, Мати Божия Всеблагая, простри благоноснии руце Твои к возлюбленному Сыну Твоему и Богу нашему, умоли Его вся ны спасти и избавити погибели вечныя. Яко же древле на месте сем отцем нашим милость Твою являла еси, Владычице, сице и нам ныне яви, Богородице, Твоя щедроты: болящия исцели, скорбящия утеши, бедствующим помози; споспеши всем нам носити иго Христово в терпении и смирении и сподоби нас благочестно житие сие земное скончати, христианскую непостыдную кончину получити и Небесное Царствие унаследити матерним ходатайством Твоим к рождшемуся от Тебе Господу и Богу нашему Иисусу Христу, Ему же со Безначальным Его Отцем и Пресвятым Духом подобает всякая слава, честь и поклонение, ныне и присно и во веки веков. Аминь.
